Er en il plaun dal Magadino ha il termometer mussà dapli che 21 grads. Be ils 19 da schaner 2007 èsi stà là anc pli chaud – cun passa 23 grads. Quai ha communitgà SRF Meteo. Er en las valladas dal Grischun dal sid èsi vegnì chaud. A Grono hai dà passa 15 grads, en il Puschlav bunamain 12 grads.
L'enviern duai turnar puspè
audio
SRF Meteo quinta cun fin 100 centimeters naiv nova
ord RTR Audio dals 30.01.2022.
laschar ir. Durada: 1 minuta 48 Secundas.
Glindesdi fin mesemna quinta SRF Meteo puspè cun naiv. En las alps dal ost duai dar tranter 60 fin 100 centimeters naiv. Er en il vest dal pajais duai naiver cuntinuant. En las regiuns pli bassas dai dentant surtut il glindesdi saira in pau naiv. En ils auts buffan vents ferms – localmain datti vents da fin 140 kilometers l'ura. SRF Meteo quinta, ch'il privel da lavinas s'augmenta puspè. Las temperaturas na sa sbassan dentant betg extrem.
