Siglir tar il cuntegn

Header

cuntegn

Aura Mesiras d'auas grondas èn sa cumprovadas

La protecziun cunter aua gronda en Svizra è sa cumprovada durant la ferma plievgia il fanadur. Da quest avis è l’Uffizi federal d’ambient. I n’haja dà naginas unfrendas e malgrà inundaziuns sajan ils donns materials suenter emprimas stimaziuns anc survesaivels.

Grazia a mesiras preventivas saja stà pussaivel d’evitar inundaziuns pli grondas. Las forzas d’intervenziun localas sajan stadas prontas ad uras grazia a las prognosas ed ils avertiments. La populaziun saja vegnida tegnida sin il current via divers chanals, uschia l’uffizi vinavant.

Plievgia, urizis e granella

Ferms urizis e granella han accumpagnà la plievgia durant il fanadur. Uschia è quel mais stà tar bleras staziuns da mesiraziun da Meteosvizra in da quels cun la tschintgavel blera plievgia dapi l'entschatta da las mesiraziuns. Durant las malauras las pli fermas, tranter ils 12 ed ils 15 da fanadur, hai dà en Svizra summas da plievgia da 100 millimeters en il nord da las alps ed en il Tessin perfin 150 meters. Quai è tenor il BAFU tanta plievgia sco uschiglio durant l'entir mais da fanadur.

RTR novitads 15:00

Artitgels legids il pli savens

Scrollar a sanestra Scrollar a dretga