Igl ha dentant dà differenzas regiunalas marcantas. En l'Engiadina, il Vallais ed il sid dal Tessin hai per part pluvì 160% dad onns normals. La gronda part las emprimas 3 emnas. Al Lai da Constanza ed en il sidvest da la Svizra hai pluvì damain che la norma.
Il zercladur ha cuntanschì ina temperatura media dad 11,8 grads celsius e giascha cun quai precis en la norma dals onns 1981 fin 2010. Il zercladur da record dal 2003, era stà 5,5 grads pli chaud, suandà dals mais da zercladur dal 2019 e 2017 cun 3,5 grads sur la media.
Nagut spezial
Uschia na saja il zercladur da quest onn nagut spezial, scriva MeteoSvizra. Tuttina correspundia il zercladur al svilup dals ultims decennis. La temperatura dal zercladur mussa tranter il 1864 fin ils onns 80 nagin trend a lunga vista. Suenter siglia la temperatura media entaifer paucs onns per 2 grads Celsius. Per la perioda dal 1991 fin il 2020 resulta ina media da 12,6 grads.