Siglir tar il cuntegn

Header

cuntegn

Auta cifra da reproducziun Plirs chantuns ston puspè revocar las schluccadas

: .

Ils chantuns da Neuchâtel, Vad e Vallais rinforzan puspè las mesiras da corona. La raschun saja che la cifra reproducziun sajan puspè creschida sur la valur dad 1,0. Quai han communitgà las autoritads localas. Bleras stizuns stoppian puspè serrar ed inscunters privats vegnan limitads sin 5 persunas.

En sia ordinaziun dals 18 da december ha il Cussegl federal decis che chantuns possian schluccar las mesiras da corona, sche la cifra da reproducziun è durant set dis en seria sut 1.

Virus sa derasa vinavant

La dumengia aveva il BAG annunzià sin sia pagina d'internet ch'il Vad haja ina cifra da reproducziun da 1,07, il Vallais 1,15 ed il Neuchâtel 1,11. Quai munta ch'il virus sa derasa vinavant e ch'il dumber da las persunas che vegnan infectadas crescha.

Novs cas da mutaziun

En il chantun Berna è vegnì chattà il sisavel cas dal virus mutà da la Gronda Britannia. I sa tracta d'in scolar da nov onns da Londra. Plinavant è era a Genevra vegnì chattà cas cun il virus mutà e quai tar tschintg persunas. Uschia han ins en 11 cas pudì cumprovar il virus mutà en Svizra.

Ord l'archiv

video
Tge munta la cifra da reproducziun R?
Or da Minisguard dals 09.05.2020.
laschar ir. Durada: 2 minutas 55 Secundas.

RTR novitads 17:00

Artitgels legids il pli savens