Siglir tar il cuntegn

Header

audio
Bunura: Autissem – Ils sintoms pon esser fitg differents
Or da Actualitad dals 22.01.2020.
laschar ir. Durada: 1 minuta 52 Secundas.
cuntegn

Autissem Autists vesan, audan e sentan il mund in pau auter

Els vivan en in agen mund, els n'han nagina vita sociala, els èn schenis, dentant mo en in champ. Quai èn intgins pregiudizis. Ma turna quai er?

Autissem han ins a partir da la naschientscha e per il mument na datti nagina metoda per guarir l'autissem. Ils pertutgads emprendan per regla tecnicas per ir enturn cun quai. Descriver in tipic autist u ina tipica autista è fitg difficil. Mintgin è numnadamain in pau auter ed ils aspects èn tar mintgin fitg differents. I dat dentant intgins puncts che constattan per la gronda part.

Quants autists datti atgnamain?

Avrir la box Serrar la box

Quants autists ch'i dat precis n'è betg enconuschent. Ins quinta dentant che var 1% da la populaziun en Svizra è pertutgà d'autissem. Tenor l'uniun «Autismus deutsche Schweiz» sajan mats ed umens pertutgads pli ferm che mattas e dunnas.

Autists vesan, audan e sentan il mund per regla in pau auter. Surtut sch'i va per glisch, gusts, canera u palpar e tutgar èn els pli sensibels. In'autra sfida per els èn emoziuns e sentiments. Percorscher sch'il visavi è cuntent, trist u grit. Per regla han autists bugen rutina. Situaziuns spontanas e nunspetgadas èn per els difficilas d'analisar.

Sfidas, ma er schanzas

Autists sviluppan per regla ina gronda fascinaziun per in tema. Quai pon esser apparats tecnincs, furlmas matematicas u schlioc in auter tema. En quels champs pon els lavurar bunamain a moda perfecziunistica.

RTR actualitad 07:00

Artitgels legids il pli savens