Christian Plüss è dapi la gievgia manader da l’«AutoDaPosta» SA ed uschia er commember da la direcziun dal concern da la Posta . L’«AutoDaPosta» saja ina da las marcas las pli enconuschentas dal pajais ed in simbol per la Svizra. Perquai haja ella ina rolla impurtanta en il service public, ha ditg Plüss a Berna davant las medias.
Plüss è vegnì elegì gia il zercladur. Dapi sia elecziun è el vegnì integrà en decisiuns impurtantas che reguardan la nova orientaziun da l’AutoDaPosta SA. Christian Plüss succeda a Thomas Baur ch’aveva manà l’interpresa ad interim dapi ch'igl è vegnì enconuschent che AutoDaPosta ha retratg memia bleras subvenziuns.
RR novitads 15:00
