Siglir tar il cuntegn

Svizra Autoritads da concurrenza da l'UE investighescha cunter Clariant

Pervi d'in suspect da cartel investigheschan las autoritads da l'UE cunter pliras firmas da chemia. Il concern da chemia svizzer Clariant e l'interpresa americana Celanese han confermà dad esser en il visier dals investigaders.

Logo da Clariant.
Legenda: Cunter il concern da chemia Clariant vegn investigà da las autoritads da concurrenza da l'UE. Keystone

Tenor la cumissiun da l'UE hai dà cunvegnientschas tar la cumpra dal gas Ethylen. Quel vegn duvrà tranter auter per far plastic. Il concern svizzer, Clariant ed il concurrent dals Stadis Unids, Celanese han confermà ch'els sajan en il visier da las autoritads.

La cumissiun da l'UE ha declerà ch'i haja dà ils 16 da matg visitas en differents pajais da l'UE. Nums n'ha la cumissiun sco usità betg communitgà. En cas da surpassaments da las leschas da cartel pon las autoritads dar in chasti en l'autezza d'enfin 10% da la svieuta.

RR novitads 07:00