Siglir tar il cuntegn

Header

cuntegn

Svizra Autostrada dal Gottard è serrada

La pli impurtanta colliaziun da vias tranter nord e sid è interrutta. Las lavurs da rumir èn pretensiusas.

  • Colliaziun da vias tranter nord e sid è interrutta. tar Gurtnellen è ina glitta vegnida giu sin l'autostrada dal Gottard.
  • In auto è vegnì en la glitta, blessà è dentant vegnì nagin.
  • L'autostrada A2 sto tenor la Polizia chantunala dal Uri vegnir rumida sin ina lunghezza da 50 meters. L'autostrada è actualmain serrada tranter Amsteg e Göschenen en omaduas direcziuns.
  • Tenor la polizia chantunala dal Uri vegn la via pli probabel a restar serrada fin mardi en damaun. la via è ferm donnegiada e las lavurs da reparatura èn intensivas.
  • I vegn cusseglià da guntgir sin la A13 via San Bernardino.

Glindesdi saira curt avant las 21:30 è ina lavina da glitta vegnida giu sin l'autostrada dal Gottard. Il material a cuvert la via sin ina lunghezza da 50 meters (ca. 400 m3), sco la polizia chantunala dal Uri a scrit. La glitta ha tschiffà in auto cun numer da la Germania che charrava vers nord. Il manischunz n'è betg vegnids blessads, el ha pudì sa deliberar sez. L'auto è donnegià totalmain.

Indesch camiuns e sis autos èn anc bloccads sin l'autostrada A2. Las totalmain 22 persunas èn vegnids evacuads, blessads n'hai dà nagins.

Ord motivs da segirtad han set persunas dal territori Surütti, vischnanca Gurtnellen, stuì vegnir evacuads. L'autostrada A2 resta serrada en omaduas direcziuns - il traffic vegn svià sur la ruta dal San Bernardino. Cura che la via vegn averta n'è anc betg enconuschent.

Grond privel da lavinas

En grondas parts da las Alps resta il privel da lavinas fitg aut, quai sco l'Institut da naiv e lavinas a Tavau inditgescha. En il Vallais n'èn betg cuntanschibels il Obergoms, Zermatt, Saas Fee e Leukerbad. Era serrads èn vinavant Andermatt ed Elm en il chantun Glaruna.

RR novitads 06:00

Artitgels legids il pli savens