Siglir tar il cuntegn

Header

Bursa cun notad da 200.
Legenda: Impiegads da La Posta, AutoDaPosta e PostFinance che lavuran 100% survegnan 400 francs dapli paja ad onn. Keystone
cuntegn

Auzament da paja Fin a 400 francs ad onn dapli per impiegads da La Posta

Impiegads da La Posta survegnan in auzament da paja da 400 francs ad onn – quai tar in pensum da lavur da 100%. Ultra da quai vegn la paja minimala auzada per 0,5%. Quai è il resultat da la mediaziun tar las tractativas da paja dal 2021 tranter La Posta ed ils partenaris socials.

Impiegads da La Posta survegnan in auzament da paja da 400 francs ad onn – quai tar in pensum da lavur da 100%. Ultra da quai vegn la paja minimala auzada per 0,5%. Quai è il resultat da la mediaziun tar las tractativas da paja dal 2021 tranter La Posta ed ils partenaris socials.

Las adattaziuns van en vigur retroactiv sin il prim d'avrigl dal 2021. Quai han La Posta ed la federaziun dal persunal Transfair communitgà il mardi. Da bun vegn quai a 25'000 impiegads da La Posta, 2'500 impiegads da PostFinance e 2'400 impiegads d'AutoDaPosta. Collavuraturs e collavuraturas dad interpresas d'AutoDaPosta survegnian ina auzament da paja equivalenta.

Cunquai che La Posta, PostFinance, AutoDaPosta ed ils sindicats Syndicom e Transfair n'eran betg sa cunvegnids durant las tractativas, ha uss la cumissiun paritetica da mediaziun elavurà questa schliaziun. I saja ina conclusiun che constettia per tuts, han ils partenaris socials communitgà il mardi.

RTR novitads 12:00

Artitgels legids il pli savens

Scrollar a sanestra Scrollar a dretga