Las ovras idraulicas da la Part sura bernaisa KWO SA tiran vinavant la decisiun da la dretgira administrativa da Berna, quai communitgescha il concern d'energia.
Dublegiar la capacitad
Curt avant Nadal aveva la dretgira da Berna decis che la KWO SA na dastga betg auzar ils dus mirs da fermada sin il Grimsel. La protecziun da la palì impedeschia ils plans d'engrondir ils lais da fermada, uschia la dretgira.
Cun auzar ils dus mirs vul la Kraftwerke Oberhasli SA (KWO) quasi dublegiar la capacitad dals lais da fermada sin il Grimsel. Uschia vul il concern reparter meglier la producziun d'electricitad sin l'entir onn. Il project custass radund 300 milliuns francs.
RR novitads 12:00