Gottard
Il mument stagnescha il traffic tenor il servetsch da traffic TCS sin 4 kilometers avant il portal dal nord. Quai munta ad in temp da spetga radund 40 minutas. Er en direcziun nord datti colonnas. Tranter Quinto ed Stalvedro è la colonna 7 kilometers lunga. Quai correspunda ad in temp da spetga da radund 1 ura e 10 minutas.
La colonna è vegnida spetgada. Dapi ier èsi numnadamain vacanzas da stad en l'entira Svizra, la Germania e l'Ollanda.
Alternativa A13
Sco ruta alternativa vegn cusseglià l'A13 dal San Bernardino. Ma er sin l'autostrada A13 stagnescha il traffic. Quai sin plirs trajects tranter Cuira-Sid e San-Bernardino.
RR novitads 07:00+