Là nua ch'i na dovria betg in termin, saja da quintar da stuair spetgar ditg. Tenor Ruggli na procurian betg mo las partys da Silvester per bleras dumondas da tests, mabain er ils dis da festa. I saja probabel che bleras persunas sajan s'infectadas sur quels dis cun la nova varianta omicron. Per quest motiv vegnia er il dumber da persunas, che sa laschian testar pervia da sintoms, a crescher.
La dumonda è creschida
Tgi che na po en vista ad ina festa en ina bar u en in club betg cumprovar ina revaccinaziun aifer ils ultims quatter mais, sto sa laschar testar. La dumonda per tests è tenor Ruggli creschida aifer las ultimas emnas per bunamain il dubel.
Vitiers vegnia ch'ils chantuns han tenor la presidenta da l'uniun d'apotecas serrà memia blers centers da vaccinar e sa laschar testar. La nova varianta dal virus haja dentant er midà tut ils plans aifer curt temp.
