Avenir Suisse ha analisà las pussaivladads per la cundecisiun electronica. La digitalisaziun chaschunia d'ina vart memia grondas speranzas, da l'autra vart er temas irraziunalas, scriva la fabrica da reflexiun. La dumonda na saja betg, sche la digitalisaziun entria en il sistem democratic mabain sulet: Cura e co? Ella na sa laschia betg franar, mabain sulet crear, uschia manegia Avenir Suisse.
En sia publicaziun cun il titel «Democrazia directa digitala» menziuna ella trais secturs pussaivels:
- rimnar electronicamain suttascripziuns (e-collecting),
- furmar l’opiniun en il spazi digital (e-discussion) e
- vuschar ed eleger via internet (e-voting).
La fabrica da reflexiun pledescha per dapli objectivitad en la discussiun. Dapi il 1848 sajan las structuras politicas permanentamain vegnidas adattadas al svilup sociologic e tecnic. Tema da quests process saja in nausch cussegliader.
RR novitads 10:00