Siglir tar il cuntegn
Inhalt

Svizra Avert per models da fatschenta alternativs

Gilles Marchand, il directur general da la SRG/SSR, è avert per models alternativs, co finanziar l'interpresa.

Gilles Marchand, directur general da la SRG/SSR.
Legenda: Gilles Marchand, directur general da la SRG/SSR. Keystone

En in'intervista cun la gasetta «Le Temps» da sonda è Gilles Marchand s'exprimì avert envers novs models da fatschenta per finanziar la SRG/SSR. La debatta pervi da l'iniziativa No Billag entschaivia pir uss.

La SRG/SSR saja plinavant pronta da proponer a la populaziun tschertas variantas. Chattar in model ch'ins paja mo quai ch'ins guardia vegnia dentant grev. Dal tut senza taxas na possian ins però betg mantegnair il service-public, ha Marchand avertì. El saja conscient, ch'i saja adina pli difficil da persvader la generaziun «Pay-per-view», che veglia en emprima lingia pajar mo per quai ch'els consumeschian.

RR novitads 12:00