Siglir tar il cuntegn

Svizra Avertiment da chalira vegn prolungà

La fasa d'aura actuala cun ina zona da pressiun auta cuzza anc vinavant – almain fin proxima mesemna. Ils avertiments da chalira vegnan prolungads fin lura.

Persunas che fan bogn al Lai da Turitg.
Legenda: Avertiment da chalira è prolungà fin proxima mesemna. Keystone

En la Bassa vala vinavant l'avertiment da chalira considerabel – vul dir stgalim 3. En il Vallais e las regiuns enturn il Lai da Genevra vegn l'avertiment schizunt auzà sin stgalim 4 – pia da considerabel sin grond.

En il nord da las Alps èsi er vinavant da far quint cun temperaturas da 32 fin 35 grads en regiuns bassas. E la notg na van las temperaturas betg sut 17 fin 23 grads. Perquai che l'aria è actualmain fitg umida, èsi er vinavant fitg tamfitsch, scriva Meteo Svizra.

In zic pli agreabel pudessi esser davent da glindesdi en il sid da las Alps. Tenor prognosa avessi da dar là dapli nivels e temporals. Fin dumengia resta l'avertiment per quella regiun dentant er sin stgalim 4.

Il fanadur da quest onn vala sco il 6avel pli chaud fanadur dapi il 1864, cura ch'ins ha cumenzà a mesirar e registrar las temperaturas.

RR novitads 16:00

Cura che la plievgia manca ...

Cura che la plievgia manca ...

Qua chattais tut davart la setgira en il Grischun.