Per persunas che dovran sin il computer anc adina il sistem vegl da Microsoft vegni privlus a partir dal schaner. Quai ha communitgà il post d'annunzia e d'analisa per la segirezza d'infurmaziun da la Confederaziun Melani.
Pertutgà saja il sistem da Windows 7, Windows Server 2008 e Windows Server 2008 R2 perquai che Microsoft porscha lura nagin support pli e na fa nagins updates da segirezza pli. Perquai pudessan computers cun quest sistem vegnir en il focus d'attatgaders.
Midament urgent necessari
I dat en Svizra anc radund 10'000 auters tals products vegls ch'èn en funcziun. Tenor Melani ston ins lura quintar davent da mez schaner che quests products stattan en il focus d'attatgas. La Confederaziun cusseglia da remplazzar quella software.
Ord l'archiv
Co sa proteger encunter virus digitals?
Privels da vegnir infectà din virus sin il computer datti divers. Trais gronds privels èn il sistem operativ (per tudestg «Betriebssystem».
RTR novitads 18:00