Siglir tar il cuntegn

Header

cuntegn

Avertiment da malaura MeteoSvizra avertescha da la proxima unda d'urizis

Legenda: Per tschertas parts ha MeteoSvizra annunzià il stgalim da privel segund-aut 3. MeteoSvizra (stan: 26.07.2021, 11:39)

Suenter ils ferms urizis cun granella da la fin d'emna en la Bassa avertescha la Confederaziun danovamain da malauras. En il decurs dal suentermezdi vegnan spetgads ulteriurs urizis intensivs cun granella – quai dal Mendrisiotto fin Schaffusa e da la regiun enturn Friburg fin al Lai da Constanza. Cun ils urizis ils pli intensivs vegn quintà surtut en il sid. Per las regiuns pertugadas da las Prealps ed il sid vala il segund aut stgalim da privel 3.

Pli quiet en il Grischun – però far attenziun

En il Grischun èn surtut pertutgads la Calanca ed il Mesauc. Perquai ch'il terren è entant fitg bletsch pervia da la plievgia intensiva dals ultims dis, avertescha SRF Meteo ch'i saja per part era da quintar cun sbuvaditschs e che flums pudessian ir surora.

RTR novitads 12:00

Artitgels legids il pli savens

Scrollar a sanestra Scrollar a dretga