Legenda:
Aveva l'attentader da Berlin in connex cun la Svizra? La Procura publica federala vul examinar quai.
Keystone
cuntegn
Svizra - Aveva l’attentader da Berlin in connex cun la Svizra?
Suenter l'attentat cun in camiun sin ina fiera da Nadal a Berlin vegnan uss er las instituziuns penalas en Svizra activas. La Procura publica haja avert ina procedura penala cunter nun-enconuschent, quai ha ella communitgà envers radio SRF.
Communabel cun l’Uffizi federala per polizia (Fedpol) vul la Procura publica federala uss examinar schebain il delinquent aveva in connex cun la Svizra ni sch’el aveva lioms cun persunas che sa chattan il mument en Svizra ni che vivan en Svizra.
Las investigaziuns duajan sclerir sche quai dettia in sustegniment u era ina participaziun ad ina organisaziun criminala scumandada.
