La societad aviatica Swiss ha profità d'ina dumonda pli gronda. En total èn 18,78 milliuns persunas sguladas en in'eroplan cun ina crusch svizra sin las alas. La Swiss ha uschia surpassà il record da l'onn 2018 per 4,7%, sco i ha num en ina communicaziun.
Plinavant è la Swiss er sgulada pli savens. 132’561 aviuns èn sgulads entaifer l’Europa e 18'396 aviuns han fatg sgols intercontinentals, hai num vinavant. Uschia eran ils eroplans er occupads meglier. Tar ils sgols aifer l'Europa eran ils eroplans occupads en media per 78%, sin ils sgols interncontinentals per 86,3%.
Er il concern mamma augmenta dumber
In sumegliant maletg datti tar la Lufthansa. Il concern mamma da Swiss, Eurowings ed Austrian Airlines han registrà en total 145,2 milliuns passagiers, in plus da 2,3%. Sulet Eurowings ha nudà ina sminuziun.
Per tadlar curt e concis:
RTR novitads 16:00