Sco raschun per las reclamaziuns suppona la gasetta l’augment da retards da sgols en l’entir’Europa.
Auter che societads aviaticas europeicas refuseschian societads svizras però savens da pajar indemnisaziuns.
Nauschas notas per eroports da Turitg e Genevra
Atgnamain è punctualitad ina vertit svizra, sch'i va dentant per il traffic aviatic na para quai dentant betg ad esser uschia. En in nov studi na survegnan ils eroports da Genevra e Turitg naginas bunas notas en chaussa retards. Cumpareglià cun ils 20 pli gronds eroporrts en l'Austria, la Germania e la Svizra ha Turitg las segund mendras valurs davart punctualitad. Er Genevra è fitg davant cun plazza tschintg.
Mintga quart sgol davent da Turitg ha retard
Da bunamain 60'000 sgols èn 16'300 partids cun retard u crudads or. Quai munta ina cumpart da 27,4%. A Genevra avevan 24% dals sgols retard. L'eroport cun ils pli blers retards è quel da Frankfurt am Main cun 30%. Ils pli paucs retards ha Dortmund cun 10%.
Eroport empermetta migliur
Il pli grond eroport da la Svizra (Turitg) ha la finamira che 80% dals eroplans duain partir punctual, vul dir cun in retard da maximalmain 15 minutas. Ils retards sajan deplorablamain anc adina pli numerus che lur finamira, ha declerà la schefa da communicaziun Sonja Zöchling.
RR novitads 09:00