En la vischinanza da l'ospizi dal Pass dal Simplon è crudà giu la dumengia avantmezdi in aviun pitschen dal tip «Piper». Tar l'accident han il pilot, ina persuna accumpagnanta ed in uffant pitschen pers la vita. L'aviun era partì la damaun a las 09:00 d'ina plazza aviatica en il chantun Vad cun destinaziun Italia. L'accident è capità enturn las 10:25. Quai ha communitgà la Polizia chantunala dal chantun Vallais.
Il Servetsch svizzer d'inquisiziun da segirezza SUST ha instradà ina examinaziun da l'accident.
RR novitads 12:00