Ils socialdemocrats e la Partida verda crititgeschan la cumpra dals novs aviuns da cumbat. Quella na saja betg necessaria ed ina sfarlattada da daners. Il comité da referendum ha lantschà quest venderdi sia campagna da votaziun per ils 27 da settember.
En il conclus federal vai per 6 milliardas francs en il budget ordinari da l'armada che duain star a disposiziun per ils novs aviuns. Sur l'entira durada da vita vegnian quels a custar enturn 24 milliardas francs.
La PS e la Partida verda èn las unicas partidas ch'èn il mument cunter ils novs aviuns da cumbat.
Tenor la retschertga da Tamedia ch'è vegnida publitgada il medem di, schessan il mument 50% GEA als aviuns da cumbat, 47% NA.