Siglir tar il cuntegn

Header

cuntegn

Aviuns da cumbat Contracts per la cumpra dals F-35 èn pronts

Il Departament federal da defensiun metta uss sin maisa las cifras exactas per cumprar ils aviuns da cumbat americans F-35. Exact 6,035 milliardas francs duain ils 36 aviuns custar, ha communitgà il departament. Quai saja minim sur las 6 milliardas approvadas dal suveran svizzer. Il parlament a Berna sto decider l'onn che vegn davart in credit d'obligaziun en quest'autezza.

Il medem mument datti er ina dumonda da credit per il sistem Patriot per tschintg indrizs dal sistem per la defensiun cunter aviuns. Qua vai per in credit da bunamain duas milliardas francs.

La producenta dals aviuns da cumbat vegn a far fatschentas en cuntrapart en valita da 2,9 milliardas francs, scriva il departament. Da quai èn per radund ina milliarda francs empustaziuns tar firmas svizras.

RTR novitads 08:00

Artitgels legids il pli savens