Il producent d’aviuns svedais Saab na sa participescha betg als tests d'aviuns da cumbat ch’èn la fin dal mais. L’Uffizi federal da l’armament Armasuisse haja cusseglià da desister. Quai communitgescha Saab. Quels tests sajan concepids per aviuns che sajan en acziun e gliez na saja tar il model da Saab – il Gripen E – betg il cas. Quest aviun vegnia anc sviluppà. Quai munta ch'il Gripen na vegn betg pli resguardà tar l'evaluaziun per il nov aviun da cumbat.
Critica da Saab
Saab crititgescha las autoritads svizras. L'uffizi federal haja midà las cundiziuns da participaziun pir l'ultim mument.
Nagina decisiun avant la fin dal 2020
Tge aviun che la Svizra duai cumprar vegn decis il pli baud la fin dal 2020. Avant la cumpra vul il Cussegl federal laschar votar il suveran davart l'investiziun da radund 8 milliardas francs.
RR novitads 14:00
