Suenter controllas pli severas la primavaira haja l'Uffizi constatà, ch'ils dus manaschis n'adempleschian betg las cundiziuns per lavurs da mantegniment certifitgadas. Detagls n'ha l'autoritad betg communitgà.
In pledader da JU–Air ha ditg envers la gasetta da dumengia, ch'ins vul uss curreger ils sbagls per survegnir puspè la lubientscha. L'airline ha atgnamain planisà da renovar tut ils aviuns JU–52. L'onn 2021 vulan els puspè sgular cun ils aviuns vegls.
Ils 4 d'avrigl 2018 era ina da las maschinas crudada giu sin il territori communal da Flem. 20 persunas avevan pers là lur vita. Suenter quai n'han ils aviuns betg pli pudì sgular.
RR novitads 16:00
