Legenda:
Ils autos sin la A1 tranter Genevra e Losanna dastgan era charrar sin il vial da panna cura ch’i ha bler traffic.
Keystone
cuntegn
Svizra - Avrir ils vials da panna è sa cumprovà
Avrir ils vials da panna cura ch'i ha da memia traffic, questa mesira è sa cumprovada tenor il Cussegl federal. Perquai vul el extender il concept. La planisaziun ha gia cumenzà.
Las mesiras succedan per la pli gronda part sin trajects da l'autostrada A1. En tut saja ina realisaziun pussaivla sin ina lunghezza da 125 kilometers, quai dentant mesirà en omaduas direcziuns. Ils custs da las mesiras muntan a var ina milliarda francs, sco quai ch’il Cussegl federal scriva. Vitiers vegnan ils custs da gestiun.
