Siglir tar il cuntegn

Header

raps en ina bursa.
Legenda: AVS ed IV han damain raps en la bursa - Las relaziuns nauschas sin il martgà sajan la culpa. Keystone
cuntegn

Svizra AVS ed AI han damain raps en la bursa

Dal 2015 han las assicuranzas socialas scrit perditas tar lur investiziuns da chapital: La rendita è sa sminuida per -0,7%. Dal 2014 era quella anc tar +7%. Uschia Compenswiss, il fond da gulivaziun da las assicuranzas socialas.

La raschun per las perditas sajan las relaziuns nauschas sin il martgà, argumentescha Compenswiss. Ils tschains negativs, ils martgads d’aczias regressivs e l’aboliziun dal curs minimal da l’Euro hajan influenzà il resultat da maniera negativa. Ch’en vista a las circumstanzas saja il resultat dentant acceptabel, valitescha Compenswiss.

-0,97% tar AVS e -0,7% tar AI

Tar l'AVS, l'assicuranza per vegls e survivents, munta la perdita a -0,97%. Cun quai che la politica d’investir saja tar l’AI, l’assicuranza d'invaliditad, pli conservativa che tar l’AVS, haja quella ina perdita pli pitschna, numnadamain da -0,7%. Quai scriva l'Agentura da novitads svizra sda.

Plus en il 2014 vs. minus en il 2015

Il 2014 ha l'AVS dà ora 320 milliuns francs dapli per rentas che quai ch'ella ha incassà contribuziuns. Grazia a la rendita aveva l’AVS lura pudì impedir cifras cotschnas, scriva Compenswiss. Dal 2015 na datti dentant nagina rendita pli ed uschia resulta il minus.

RR novitads 12:00

Artitgels legids il pli savens

Scrollar a sanestra Scrollar a dretga