L'iniziativa da renta dals giuvens liberals vegn senza cuntraproposta avant il pievel. L'iniziativa pretenda che la vegliadetgna da pensiun vegn auzada succesivamain sin 66 onns. Suenter duai ella vegnir adattada a las aspectativas da vita.
Quai ha il Cussegl naziunal renvià. Atgnamain avev'el concludì l'emna passada d'elavurar ina cuntraproposta cun in frain da daivets per l'AVS. La cumissiun cumpetenta è dentant stada da l'avis ch'il temp per elavurar ina cuntraproposta saja memia curt, uschia che l'iniziativa da renta vegn senza cuntraproposta avant il pievel.
