Siglir tar il cuntegn
cuntegn

Svizra AVS: Pajà ora 2,6 milliardas memia bler rentas

Quai rapporta la «NZZ am Sonntag» ed è da l'avis che las rentas stoppian en consequenza vegnir reducidas il 2017/18. L'Uffizi federal d’assicuranzas socialas refusescha questa pretensiun.

Persunas.
Legenda: Tenor la gasetta stuessan las rentas vegnir scursanidas ils proxims dus onns. Keystone

Il Cussegl federal è para stà memia optimistic quai che pertutga las adattaziuns da las rentas da l'AVS a partir dal 2007. Quai haja manà al fatg ch'i saja vegnì pajà ora dapi lura passa 2,6 milliardas francs memia bler rentas. Quai scriva la «NZZ am Sonntag».

La chareschia ed il svilup da pajas sajan stads main positivs che quai che la regenza avevia spetgà. Tenor la gasetta ston las rentas per il 2017/18 vegnir sbassadas sin basa da las obligaziuns legalas. L'Uffizi federal d’assicuranzas socialas na vul però savair nagut da quai. El fa attent al principi che rentas na dastgian betg vegnir sbassadas.

RR novitads 10:00