Avunda mussaments per crims da guerra en Siria

Tenor Carla del Ponte bastian ils mussaments per accusar il president sirian Baschar al-Assad pervi da crims da guerra.

Giurista svizra. Bild in Lightbox öffnen.

Legenda da maletgs: Carla del Ponte avess rimnà avunda mussaments per accusar il president sirian. Keystone

La responsabla per las investigaziuns da l’ONU en Siria Carla Del Ponte ch'è sa retratga dacurt ha declerà ch’i dess avunda mussaments per sentenziar il president sirian Baschar al-Assad pervi da crims da guerra. Quai ha Del Ponte ditg en ina intervista cun las gasettas «SonntagsZeitung» e «Le Matin Dimanche». Ma pervi dal veto da la Russia na possian ins betg exequir il tribunal spezial, ed uschia na dettia nagina accusaziun ed en consequenza er nagin tribunal spezial.

Gronda frustraziun tar Carla del Ponte

En l’intervista ha la giurista tessinaisa suttastritg sia frustraziun en connex cun il tribunal bloccà. Ultra da quai ha del Ponte suttastritgà che tut las partidas da conflict hajan commess crims da guerra. Perquai hajan els er investigà encunter tut las partidas da conflict en Siria.

«  La lavur da la cumissiun è mo pli in alibi per la cuminanza internaziunala. »

Carla del Ponte
giurista

Sch’i dettia tuttina in tribunal spezial en chaussa, stess ella natiralmain ha disposiziun, uschia Carla del Ponte vinavant. L’accusadra principala da las Naziuns Unidas aveva l’emna passada annunzia da demissiunar da ses uffizi ils 18 da settember 2017.

RR novitads 15:00