Siglir tar il cuntegn

Header

cuntegn

Svizra AXA Winterthur profitescha da damain donns gronds

Sut il stritg ha il concern fatg l'onn passà in gudogn net da 929 milliuns francs. Il schef da l'interpresa, Antimo Perretta, ha discurrì d'in resultat legraivel en in ambient da finanzas pretensius.

L'assicuranza AXA Winterthur ha profità l'onn passà da damain donns gronds. Il gudogn operativ è s'augmentà per 4,7% sin 896 milliuns francs entant che las premias bruttas èn sa sminuidas per 4,1% sin 11,1 milliardas francs.

Sut il stritg ha il concern fatg in gudogn net da 929 milliuns francs, uschia communitgescha Axa Winterthur. Quai èn 5,6% pli pauc che l'onn 2014.

La pli gronda part dal gudogn ha l'assicuranza generà en la sparta d'assicuranzas da donns, numnadamain 543 milliuns francs.

AXA Winterthur tutga dapi la fin dal 2006 al concern franzos AXA cun sedia a Paris.

RR novitads 08:00

Artitgels legids il pli savens