Siglir tar il cuntegn

Svizra Axpo va novas vias per vender electricitad

Il producent d’energia svizzer Axpo introducescha en la citad tudestga Wuppertal ina plattafurma, per ch’ils consuments possian cumprar energia regenerabla direct tar ils producents locals.

Ina roda da vent
Legenda: Ina roda da vent che furnescha energia indigena als abitants da Wuppertal en la Germania. Keystone

Retrair lur agen mix d’energia, da solar e vent fin a biomassa, pon ils consuments sur la plattafurma «Elblox» en l’internet. Las ovras da la citad da Wuppertal gestiuneschan la plattafurma da commerzi, e la Axpo sviluppescha il concept.

Ina sort revoluziun

Per il parsura da las ovras da Wuppertal Andreas Feicht pudess quest nov concept revoluziunar la fiera d’energia. I saja numnadamain l’emprima giada pussaivel per ils consuments, d’eleger or sez lur producents d'electricitad ed ils differents products d’energia regenerativa.

Colliaziun directa

Era Christoph Sutter il manader da la partiziun da novas energias tar la Axpo manegia, che consuments d'electricitad sajan en il futur uschia sin ina lingia cun ils distributurs da energia.

RR novitads 17:00