La presidenta da las dunnas da la PCD Svizra Babette Sigg-Frank ha annunzià ch'ella demissiunescha, quai a chaschun d'ina radunanza virtuala. Suenter dudesch onns en uffizi veglia ella far insatge nov. Indicaziuns pli concretas exactas n'ha Babette Sigg-Frank betg fatg. L'elecziun da sia successura sco presidenta da las dunnas da la PCD Svizra è ils 6 da mars 2021.
Libertad da votar
Avant la votaziun davart pli autas deducziuns per uffants tar la taglia directa n'han las dunnas betg pudì fixar ina clera parola. Las commembras han perquai decidì da dar libertad da votar ils 27 da settember.