Siglir tar il cuntegn

Header

video
Mathys: «Nagin levgiament per il persunal da sanadad»
Or da News-Clip dals 09.12.2020.
laschar ir
cuntegn

BAG avertescha Patrick Mathys: «Nus stuain sa prender ensemen»

Ins possia en il meglier cas discurren d'ina stagnaziun sin aut nivel da la cifras d'infecziun, uschia ha declerà Patrick Mathys dal BAG avant las medias. La situaziun na saja betg sa sviluppada uschia sco sperà da la Confederaziuns. Mathys fa quint ch'il dumber da cas s'augmenti ils proxims dis. Perquai sajan tuts dumnadads.

Sche il dumber da cas s'augmenti saja il medem svilup er da spetgar tar las ospitalisaziuns. Quai che muntia vinavant squitsch en ils ospitals e sin il persunal da tgira ed ospital, uschia ha declerà Mathys vinavant.

BAG annunzia 5086 novas infecziuns

En Svizra ed en il Principadi da Liechtenstein èn vegnidas annunziadas 5'086 novs cas da Covid-19. Ultra da quai èn vegnids registrads 87 novs mortoris en connex cun il coronavirus e 190 novas ospitalisaziuns.

Cumpareglià cun la mesemna d'avant ina emna è il dumber da novas infecziuns confermadas creschì per 6%. Lura eran vegnids registrads 4'786 novs cas da Covid-19.

115 novs cas en Grischun

Il Grischun annunzia actualmain 115 novas infecziuns cun il coronavirus e dus novs mortoris en connex cun Covid-19. Cas activs datti 756 en il Grischun ed en quarantina èn 1'040 persunas. Da las 42 persunas ch'èn pervi da la malsogna dal pulmun en ospital, ston 7 vegnir respiradas.

RTR novitads 12:00

Artitgels legids il pli savens

Scrollar a sanestra Scrollar a dretga