Siglir tar il cuntegn

Svizra Bainbaud er ipotecas e credits da la Postfinance

Sch'i va tenor il Cussegl federal duai la Postfinance survegnir ils dretgs da porscher ipotecas e credits cun la revisiun da la lescha d'organisaziun da la Posta.

fatschada cun inscripziun da la Postfinance
Legenda: Il Cussegl federal vul che la Postfinance dastga en l'avegnir era porscher credits ed ipotecas. Keystone

Actualmain èsi scumandà a la banca da la Posta da porscher ipotecas e credits. Ella ha perquai blers daners en obligaziuns. Cunquai ch'ils tschains èn però bass dapi onns chaschunia quai tar la Postfinance a lunga vista resultats da gestiun pli bass. Quest svilup na correspundia betg a las spetgas dal Cussegl federal ed a las finamiras strategicas da la Posta, uschia argumentescha il Cussegl federal sia proposta.

Plinavant vul il Cussegl federal avrir il medem mument l'acziunariat. La Posta ed uschia la Confederaziun, duai però restar acziunar principal.

RR novitads 15:00