Svizra - Bak Basel quinta cun augment dal BIP dad 1,7% per il 2019
Ils economs da l'institut Bak Basel quintan per l'auter onn cun in augment dal product naziunal brut dad 1,7% en Svizra. Per quest onn restan ils experts tar lur prognosas da fin qua d'in plus da 2,4%. En media dals onns 2018 e 2019 spetga il Bak in creschament da l'economia sur la media da 2,0%.
Vent survegnia la conjunctura svizra quest onn sur tut dal conturn internaziunal che sustegnia vinavant il commerci en l'exteriur ils proxims mais, commentescha Bak Basel. Il curs dal franc pli flaivel e la buna posiziun da la Svizra en la fiera internaziunala dettian anc dapli forza al creschament en las branschas d'export.
En spezial per las branschas da metal, electronica e l'industria da maschinas quinta Bak Basel per l'onn proxim cun in aut agiunt da valur da 5,5 respectiv 3,6%.
