Legenda:
La sedia da l’Uffizi federal da communicaziun a Bienna.
Keystone
cuntegn
Svizra - BAKOM sbassa taxa da radio e televisiun
L'uffizi federal da communicaziun sbassa a partir dal prim da matg la taxa per radio e televisiun. La chasadas privatas pajan uschia da nov 451.10 francs l'onn, quai èn 11.30 francs pli pauc.
La raschun per la reducziun è ina decisiun dal Tribunal federal. Quel vegn a la conclusiun che la taxa da recepziun na suttastettia betg a l'obligaziun da la taglia sin la plivalur. Sco quai che l'Uffizi federal e la Billag communitgeschan vegnia la decisiun uschia realisada cun consequenza immediata.
