La gruppa d’assicuranzas Bâloise ha plazzà ses emprim fond al martgà. I sa tracta dad in fonds d’immobiglias cun in volumen da 275 milliuns francs. Quai ha communitgà Bâloise.
Da lantschar quest fonds saja in pass impurtant per promover la fatschenta cun clients instituziunals ed uschia cuntanscher las finamiras da creschientscha, communitgescha la gruppa d'assicuranza. Sco autras assicuranzas era, porscha Bâloise cun il fond la pussaivladad a cassas da pensiun, bancas ed administraturs da facultad d’investir en immobiglias.
