Siglir tar il cuntegn
cuntegn

Svizra Banca Migros: Ipotecas ed investiziuns portan dapli gudogn

L'onn 2018 è stà in bun onn per la Banca Migros. Cumpareglià cun l'onn avant è il dumber da persunas che fidan lur facultad a la banca creschì per in terz. Il gudogn è però surtut s'augmentà pervi da las fatschentas d'ipotecas e d'investiziuns.

Inscripziun da la banca migros vi d'ina chasa.
Legenda: La Banca Migros ha pudì augmentar l'onn passà il gudogn sin 228 milliuns francs. Keystone

La banca Migros ha pudì augmentar l'onn passà il gudogn sut il stritg sin 228 milliuns francs. Quai è in plus da 2,3% cumpareglià cun il 2017. En spezial è il gudogn creschì grazia a las bunas fatschentas d'investiziuns ed ipotecas, communitgescha la banca.

Danovamain ha la banca Migros registrà dapli clients novs. L'onn passà èn ils mandats novs s'augmentads per 34%. Grazia a quai saja la fatschenta da cumissiun creschida per 3,5% sin 102 milliuns francs.

RR novitads 12:00