Siglir tar il cuntegn

Svizra Banca naziunala mida reglas en favur dals chantuns

La Confederaziun ed ils chantuns survegnan dapli segirtad en la planisaziun finanziala, damai che la Banca naziunala svizra cumpensescha da nov onns maghers cun pauc gudogn ils onns suandants.

Fatschada da la Banca naziunala
Legenda: Ils chantuns chattan suatientscha tar la Banca naziunala. Keystone

La Banca naziunala ed il Departament federal da finanzas han adattà lur cunvegna en quest senn per ils proxims quatter onns. Las midadas avevan ils directurs da finanzas dals chantuns intimà. Pervi da las fitg grondas reservas da valutas estras che la Banca naziunala ha, quinta ella ils proxims tschintg onns cun grondas differenzas dal gudogn annual.

Fin a duas milliardas per ils chantuns

La regla che la Banca naziunala sbursa mintga onn ina milliarda francs a la Confederaziun ed als chantuns n’è betg stada contestada. Sco la banca ed il departament da finanzas scrivan, èsi en futur pussaivel d’auzar quests pajaments sin fin a duas milliardas francs, sche la reserva da daners pronts per reparter surpassa 20 milliardas francs.

RR novitads 12:00