Siglir tar il cuntegn

Header

Barbara Janom Steiner.
Legenda: Barbara Janom Steiner resta presidenta dal cussegl da la Banca naziunala svizra. ANR, Flurin Andry
cuntegn

Banca naziunala svizra Barbara Janom Steiner resta presidenta dal cussegl da banca

Il Cussegl federal ha reelegì ils commembers dal cussegl da la Banca naziunala svizra. Presidenta resta l'anteriura cussegliera guvernativa dal Grischun, Barbara Janom Steiner.

Dals 11 cussegliers da banca vegnan sis elegids dal Cussegl federal, e tschintg da la radunanza generala da la Banca naziunala svizra. Per la perioda d'uffizi dal 2020 fin 2024 ha il Cussegl federal reelegì ils suandants commembers dal cussegl da banca:

  • Barbara Janom Steiner, presidenta dal cussegl da banca dapi il 1. da matg 2019, anteriura directura da finanzas dal chantun Grischun
  • Christoph Ammann, president da la regenza e directur da l'economia publica dal chantun Berna
  • Shelby du Pasquier, advocat tar Lenz & Staehelin a Genevra
  • Christoph Lengwiler, docent a l'Institut per servetschs da finanzas Zug da la Scol'auta da Lucerna
  • Christian Vitta, president dal cussegl da stadi e schef dal Departament da finanzas ed economia dal chantun Tessin
  • Ernst Stocker, cusseglier guvernativ e directur da finanzas dal chantun Turitg

Cunquai ch'il temp d'uffizi per cussegliers da banca è limità sin 12 onns, terminescha il temp d'uffizi dad Ernst Stocker gia ils 30 d'avrigl 2022. Sco vice-president è vegnì elegì Olivier Steimer. Pervi da la limitaziun da temp d'uffizi be fin ils 30 d'avrigl. Steimer sto però anc vegnir reelegì da la radunanza generala da la Banca naziunala svizra.

Ord l'archiv:

La fin dal 2017 ha l'emissiun «Cuntrasts» purtretà l'anteriura cussegliera guvernativa dal Grischun, Barbara Janom Steiner.

video
Barbara Janom Steiner – las mastrinas enta maun
Or da Cuntrasts dals 27.12.2017.
laschar ir

RTR novitads 15:00

Artitgels legids il pli savens

Scrollar a sanestra Scrollar a dretga