Siglir tar il cuntegn

Header

cuntegn

Banca naziunala svizra Probabel intervegnì per flaivlentar il franc

La banca naziunala svizra, SNB ha probabel danovamain cumprà per pliras milliardas francs – valutas estras – cun la finamira da stabilisar il curs dal franc svizzer. Quai mussan ils deposits a vista da la banca naziunala svizra.

Tenor experts ha la SNB probabel intervegnì l'emna passada cun cumpras da 3,8 milliardas francs. Questas intervenziuns vegnian ni confermadas ni dementidas da la banca. Ils 16 d'avust eran ils deposits da Confederaziun e banca naziunala sin ina summa da 589,3 milliardas francs. Gia las emnas avant èn ils dabuns a vista s'augmentads marcantamain. Las ultimas tschintg emnas èn quests dabuns creschids per passa 10 milliardas francs.

L'ultim temp è il franc vegnì pli e pli ferm. Avant curt è l'euro crudà sut 1,09 francs. Sch'il curs dal franc svizzer s'augmenta lura ha l'industria d'export svizra ed il turissem problems da vender.

audio
Per tadlar: Las novitads da las 17:00 uras
ord Actualitad dals 19.08.2019.
laschar ir. Durada: 5 minutas 17 Secundas.

RR novitads 16:00

Artitgels legids il pli savens