Siglir tar il cuntegn

Header

Part da la fatschada da la Banca naziunala.
Legenda: La Banca naziunala svizra suttastritga l'impurtanza dals tschains negativs. Keystone
cuntegn

Banca naziunala svizra Tschains negativs èn da gronda impurtanza per la Svizra

La Banca naziunala svizra SNB ha suttastritgà quant impurtant ch’ils tschains negativs sajan il mument – quai surtut en vista a las malsegirezzas globalas sco il Brexit ed er la dispita da commerzi tranter ils Stadis Unids e la China.

Il franc svizzer saja vinavant in refugi per investurs, ha communitgà la SNB. Per evitar ch’il franc vegnia survalità, stoppian ils tschains en Svizra esser pli bass ch’en auters pajais. En pli saja la Banca naziunala vinavant pronta dad intervegnir al martgà da devisas, sche quai saja necessari.

Quant ditg ch’i dettia anc tschains negativs, na saja betg pussaivel da stimar. I saja pussaivel che questa fasa duria pli ditg.

RR novitads 17:00

Ord l'archiv da SRF: