Sut il stritg restan per ils mais schaner fin il zercladur anc 367 milliuns francs. Sco quai che la Raiffeisen communitgescha, saja quai ina reducziun da 7,1% u 28 milliuns cumpareglià cun l'emprima mesadad da l'onn 2015.
Brexit sco ina da las raschuns
Sco raschun per quest resultat numna la gruppa ils effects da la situaziun volatila als martgads, tranter auter er la sortida da la Gronda Britannia ord l'Uniun europeica.Ultra da quai haja la gruppa investì en l'avegnir, sco p.ex. cun introducir da l'ipoteca online ed in pajament mobile.
Administrà dapli facultat
La fin da zercladur ha la banca Raiffeisen administrà ina facultad da clients da 211,708 milliardas francs. Quai è in plus da 1,4%. Il resultat da la fatschenta da tschains è s'augmentà per 1,5%.
Prognosa fin la fin da l'onn
La prognosa per l'entir onn 2016 èn plitost reservadas. La gruppa Raiffeisen na quinta betg da pudair repeter il gudogn da record da l’onn passà. Quai cunzunt pervi dals custs currents ed il svilup dals tschains a lunga vista che pudess intensivar il squitsch sin las marschas.
RR novitads 07:00
