Siglir tar il cuntegn

Header

cuntegn

Bancas Bancas svizras han fin uss surmuntà bain la pandemia

Las bancas svizras èn fin uss vegnidas bain tras la crisa da corona. Per l’emprima giada dapi passa 10 onns han l’onn passà puspè dapli persunas lavurà en il sectur da bancas. Quai mussa il «Barometer da bancas 2021» che l’Associaziun svizra da banchiers ha publitgà.

Las 243 bancas ch'eran la fin dal 2020 en Svizra, han pudì augmentar lur resultats da fatschenta per 5,8% sin prest 70 milliardas francs. Contribuì ferm a quest resultat, cumpareglià cun l'onn avant ha sur tut il commerzi, quai cun in augment da 46,7%. La summa da bilantscha da tuttas bancas ha surpassà la fin dal 2020 cun 3467,3 milliardas il gudogn da l'onn avant per 4,5%.

Er duvrà dapli persunal

Il dumber d’occupads saja s’augmentà per 0,5% sin bunamain 90'000 plazzas cumplainas. Plinavant hajan las bun 240 bancas activas en Svizra augmentà il resultat da fatschenta per bunamain 6% sin bunamain 70 milliardas francs.

I na saja dentant betg exnum da parter dal fatg che quai muntia ina midada da trend en il sectur da bancas, ha scrit l’Associaziun svizra da banchiers.

Ord l'archiv:

Pertge empruvar d'engular dad ina banca sch'ins po gist engular la banca sezza. L'Irma sa tut. Quai pudais vus tadlar qua tar il divertiment da RTR.

RTR novitads 11:00

Artitgels legids il pli savens