La banca gronda Credit Suisse vul che l'anteriur top-manager da la UBS Axel Lehmann daventa commember dal cussegl d'administraziun. Là duai el manar la cumissiun da ristgas ed uschia daventar successur da Richard Meddings. L'elecziun succeda ad ina radunanza generala extraordinaria il prim d'october. Quai ha communitgà la CS.
Axel Lehmann vala sco manager da ristgas cun gronda experientscha. El ha gia lavurà tar la UBS ed ordavant tar il concern d’assicuranzas Zurich en questa funcziun. Il december aveva Lehmann decidì da bandunar la UBS sin ils 31 da fanadur 2021.
La Credit Suisse ha pèrs pliras milliardas francs cun far fatschentas ristgantas. Tranter auter cun il hedgefonds american Archegos.