Siglir tar il cuntegn

Header

cuntegn

Bancas grondas Radund 200 activistas han occupà a Turitg las sedias da UBS e CS

Radund 200 activistas dal moviment dal clima han occupà la bun'ura sin il Paradeplatz a Turitg las sedias da las bancas grondas da l'UBS e la Credit Suisse.

Il moviment da clima ha protestà cun quai cunter investiziuns massivas da las bancas svizras en ieli, gas e charvun, sco las activistas han infurmà il glindesdi la bun'ura. Ellas han installà bloccadas cun tripods e butschins. Entant ha la polizia rumì il Paradeplatz. Tenor SRF ha la polizia purtà davent ils activists da las entradas. L’acziun saja stada paschaivla.

Bancas svizras cun gronda responsabladad

Ils instituts da finanzas, sur tut las duas bancas grondas e la Banca naziunala investeschan milliardas en interpresas che extiran e brischian ieli, charvun e gas. Il medem mument morian persunas en auters lieus pervi da la midada dal clima.

Las bancas svizras portian ina gronda responsabladad per las consequenzas da la crisa dal clima globala. Sche quests instituts chalassan d'investir en energias fossilas, fissan las finamiras internaziunalas per il clima cuntanschiblas.

Gia protestà avant in'emna

Legenda: Gia avant in'emna è vegnì protestà al Paradeplatz a Turitg per la medema raschun. Keystone

Gia avant in'emna avevan activistas ed activists dal moviment «Rise up for Change» protestà sin il Paradeplatz. Els han surdà ina brev cun lur pretensiuns per l'entira plazza da finanzas e surdà la brev a la Credit Suisse.

RTR novitads 07:00

Artitgels legids il pli savens

Scrollar a sanestra Scrollar a dretga