12 bancas èn sa decleradas prontas da pajar in chastì da passa 1,8 milliardas dollars per evitar in plant en ils Stadis Unids. Tranter quellas èn er las duas bancas grondas svizras Credit Suisse ed UBS.
Investurs han renfatschà a las bancas d'avair lavurà cun praticas che cuntrafetschian al principi da concurrenza sin il martgà da derivats.
La cunvegna da principi duaja esser terminada aifer ils proxims 10 dis, sco quai ch'in advocat dals accusaders ha communitgà. Davart la summa che mintga singula banca sto pajar na datti naginas indicaziuns.
