Siglir tar il cuntegn

Header

cuntegn

Bancas svizras UBS serra il 2021 cun 6,9 milliardas francs gudogn

Il resultat cun il meglier gudogn dapi 15 onns pussibilitescha a la UBS da far reservas pli grondas. Las reservas per dumondas giuridicas avertas ha l'UBS augmentà sin radund 2,6 milliardas francs – l'onn avant eri anc radund 2 milliardas francs. Talas reservas dovra la banca era suenter il process da la Frantscha encunter ella. En duas instanzas è ella vegnida sentenziada a multas pervi d'agid al lavar daners.

Hamers gudogna 11,5 milliuns ad onn

Il schef da la banca UBS, Ralph Hamers, ha gudagnà l’onn passà 11,5 milliuns francs. L'onn avant aveva el survegnì per quatter mais 4,2 milliuns ed in pajament da remplazzament da 0,16 milliuns. Dals 11,5 milliuns ha Hamers survegnì pajà or 3,1 milliuns. Hamers aveva cumenzà il prim da settember 2020 tar l'UBS ed ha surpiglià il post da CEO il prim da november da Sergio Ermotti. Ermotti aveva survegnì il 2020 13,3 milliuns francs e per l'onn 2019 12,5 milliuns.

Damain bonus per la direcziun

Total ha la banca gronda pajà a sia direcziun 107,8 milliuns francs. Cumpareglià cun 115,9 milliuns l'onn avant. Il president dal cussegl d'administraziun ha survegnì sco gia l'onn avant 5,2 milliuns. Il cussegl d'administraziun ha gudagnà l'onn passà total 12,1 milliuns e cun quai in zic dapli ch'il 2020 cun 11,8 milliuns.

Aczias crodan malgrà cifras positivas

A la bursa buffa in vent criv en la branscha da finanzas: Puspè è la valita da las aczias là crudadas. Entant che la UBS ha pers 8%, èn las aczias da las bancas Julius Bär e CS crudadas per bun 6%. Questas perditas attribueschan ils experts però a la situaziun intscherta en l'ost – pia sco consequenza da la guerra en l'Ucraina.

RTR novitads 09:00

Artitgels legids il pli savens

Scrollar a sanestra Scrollar a dretga