Daners fauss cumparian dapertut nua ch'i vegnia pajà en il mintgadi cun daners bluts, ha communitgà la Polizia chantunala. En la regiun da Sion e Conthey hajan ins chattà l'ultim temp dapli bancnotas da 100 faussas en centers da cumpra, shops, sco era tancadis.
En cumparegliaziun cun auters pajais èn daners fauss plitost scart en Svizra. Las bancnotas svizras valan sco segiras. La meglra protecziun saja d'enconuscher las dretgas bancnotas, ha scrit la Polizia chantunala dal Vallais. Els cusseglian dad adina contemplar bain ils daners ch'ins survegn. Las dretgas bancnotas sajan da differenziar bain ad egl e cun tutgar.
Guardar e tutgar en las bancnotas
Sch'ins suppona ch'i pudess esser ina bancnota faussa, duain ins cumparegliar quella cun ina dretga. Sch'ins è lura pli segir ch'i pudess esser ina bancnota faussa, duai ins contactar la polizia. Er sch'ins supponia danunder ch'ils daners pudessan vegnir, duain ins s'annunziar tar la polizia.
RR novitads 16:00